MOTIBAZIO FALTA

Bideo honen bidez ikus dezakegu nola dagoen gure hezkuntza-sistema. Umeak aspertuta daude eta motibazio falta sumatzen da. Azken urteotako errealitatea ikus dezakegu. Honekin batera esan beharra dago, eskola gehienek eredu teknikoa jarraitzen dutela. Umeak naskatuta daude teoria ikasteaz, azkenean ahazten zaielako. Ume hauek ikasten dute irakasleak horrela dela esaten duelako eta ez die aukera ematen hausnartzeko. 

Gure iritziz, irakasle batek ikasleari herramintak eman behar dizkio bere kabuz helburuak lortzeko. Hau guztia, ikaslearen araberakoa izanten da, batzuetan ikasleak gozatzen du, baina beste askok ez; beste batzuetan, esfortzu gehiago behar da eta hau ikasle bakoitzaren araberakoa izan ohi da, ikasle guztiak ez direlako berdinak izaten. Horregatik, irakasleak hainbat gauza kontuan hartu behar ditu, bakoitzaren nortasuna, gustoak... Eta horrela, ikasleen motibazioa piztu dezake.

 Espero dugu zuen gustokoa izatea.

Honako webgune honetatik berreskuratua : https://www.youtube.com/watch?v=SNrAqVZ6BxE

Homeschooling

Etxeko eskolatzea, haurra bere etxean hezitzea da, eskola publiko, pribatu edo beste erakunde batera joan gabe, familia edo beste pertsona baten gidaritzapean.

Honen inguruko bideo bat uzten dizuegu, gure ustez hezkuntza mota honen abantailak eta desbantailak aipatuz.


ABANTAILAK:

- Haurraren berezko izaera kontuan hartzen da
- Ikaskuntza erritmoa, pertsonaren araberakoa da
- Hezkuntza indibidualizatua da
- Bulling-a saihesten da
-...

DESABANTAILAK:

- Sozializazio arazoak izatea
- Ez dituzte titulu ofizialik lortzeko aukerarik
- Familia guztiek ez dute aukera hezkuntza hori eskeintzeko (ekonomiagatik, jasotako hezkuntzagatik,...)
- Etxetik kanpoko lana eta heziketa eramateko zailtasunak (denbora falta)
- Ordutegi aldaketak eta errutina falta
-...

ATENTZIOA, LOGIKA ETA MEMORIA LANTZEKO JOLASAK

IRAKASLE EREDUAK

Gabon!

Hemen uzten dizuegu irakasle bezala lan egiteko dauden hiru ereduen laburpena, estilo desberdinak zer nolako ezaugarriak dituzten ikus dezazuen

TEKNIKOA	PRAKTIKOA	KRITIKOA
HELBURUA: programa jarraitzea eta ikesleek materia menperatzea CURRICULUMA: programazioa da, administraziotik inposatutakoa ALDAKETEN AURREAN: ez du interesik aurkezten JARRERA: jerarkikoa, ez du malgutasunik EBALUAZIOA: ez ditu ikasleen aurrerapenak kontuan hartzen IKASLEEKIKO HARREMANA: ikasle oso onak à promozionatu eta goraipatu LANKIDEEKIKO HARREMANA: ez du ontzat hartzen besteen laguntza METODOLOGIA: autoritarioa, saio magistralak ESKEMA KOGNITIBOAK: itxiak dira	HELBURUA: gauzak nola egiten diren eta hórrela egitearen zein den jakitea CURRICULUMA: jarraibide bezala erabiltzen du, veste baliabideak kontuan hartuz ALDAKETEN AURREAN: prest daude aldaketak egiteko EBALUAZIOA: ikasleen aurrerapenak kontuan hartzen ditu IKASLEEKIKO HARREMANA: harreman ona sustatu, ikasleen ikuspuntua kontuan hartuz LANKIDEEKIKO HARREMANA: adiskidetasuna kontuan hartzen du baina indibidualista da ESKEMA KOGNITIBOAK: malguak dira	HELBURUA: kalitatezko irakaskuntza sustatzea, mugak jarriz. ALDAKETEN AURREAN: prest daude, betiere ondorioak kontuan hartuz EBALUAZIOA: ikasleen aurrerapenak kontuan hartzen ditu IKASLEEKIKO HARREMANA: harreman ona sustatu, ikasleen ikuspuntua kontuan hartuz LANKIDEEKIKO HARREMANA: adiskidetasuna kontuan hartzen du baina indibidualista da ESKEMA KOGNITIBOAK: malguak dira

IRAKASLEAREN BIZI ZIKLOAK

KEZKA ETA ERRONKA BERRIAK

Dibertsifikazioa Esperimentatzea Aldaketa instituzionalak direla eta, erronka berriak

Erantzunkizunak onartzea (korrdinazioa, zuzendaritza...)

Lanen errutina Gogoa galtzea Ikasle talde "zailagoak"

Neskak, mutilak eta LOMCE

Gaurkoan, Pikara aldizkariko artikulu bat dakartzagu.

NESKAK, MUTILAK ETA LOMCE

‘Wert legeak’ ikastetxe segregatuak sustatuko ditu, patriarkatua indartzeko era eraginkor bat erabiliz

Pasa den urriaren hamarrean, Espainiar kongresuan ‘Hezkuntzaren Kalitatea Hobetzeko Lege Organikoa’ (LOMCE) onartu egin zen. Erreforma polemiko honek hainbat neurri barnebiltzen ditu, horien artean, hizkuntza gutxituak bigarren maila batean kokatzea, edukien eta azterketen zentralizazioa, bide profesional bata edo bestea lehenago aukeratu behar izatea, lanbide heziketaren eta erlijio irakasgaiaren bultzada eta sexu araberako bereizketa eredutzat duten ikastetxeak bultzatzea, besteak beste.

Azken neurri honen inguruko hausnarketa gauzatuko dut gaurkoan. LOMCE-ren bidez, ikasleak sexuaren arabera bereizten dituzten ikastetxe pribatuak diru publikoz laguntzea sustatuko da, hau da, mota honetako ikastetxeekin kontzertu ekonomikoak bultzatu egingo dira. Dena den, aipatu beharra dago Hego Euskal Herrian jada baditugula sexu arteko segregazioa modelotzat duten 8 eskola kontzertatu gutxienez, horiek guztiak Opus Deiari atxikiak.

“Wert legea” deiturikoak, hortaz, dagoeneko sustatu egiten dena indartu egingo du. Beti izan al da, baina, sexu bereizketan oinarrituriko hezkuntza bultzatua?
Frankismo garaia amaitzear zela, 1970.urtean hain zuzen ere, Hezkuntza Lege berria (LGE) plazaratu zen. Lege honen bitartez hezkuntza mistoa orokortuz joan zen Espainiar Estatuan, eskola publikoetan lehenik, ondoren kontzertatuetan eta azkenik ia pribatu guztietan ere. Modu honetan, 2002.urterarte estatuko eskola publiko zein kontzertatuetan modalitate mistoa onartu izan zen soilik, nahiz eta tartean hezkuntza erreformak izan ziren. Urte horretan bertan, ordea, LOCE legea plazaratzearen bitartez, ikastetxe bereiztuak kontzertatzeko aukera zabaldu zen.

Geroztik, heziketa zentru bereiztuen egoera bere horretan mantendu egin da, pasa den urritik aurrera Wert legearen bidez eredu hau indartu egingo delarik, antza.
Aukeratzeko eskubidearen izenean.

Azken lege erreforma honek, zentru segregazionista hauen finanziazio publikoa justifikatzeko, gurasoen “aukeratzeko eskubide” eta “askatasuna”-rekin batera, “sexu izaeragatiko diskriminazio eza” aldarrikatzen ditu. Honela azaltzen du LOMCE dokumentuak, hain zuzen ere:

“El apartado 3 del artículo 84 queda redactado de la siguiente manera: En ningún caso habrá discriminación por razón de nacimiento, raza, sexo, religión, opinión o cualquier otra condición o circunstancia personal o social. No constituye discriminación la admisión de alumnos o la organización de la enseñanza diferenciada por sexos (…). En ningún caso la elección de la enseñanza diferenciada por sexos podrá implicar para las familias, alumnos y centros correspondientes un trato menos favorable ni una desventaja a la hora de suscribir conciertos con las Administraciones educativas o en cualquier otro aspecto (…).”

Sexu arteko bereizketan oinarritutako hezkuntzaren hautua eskubide bat da, antza. Legearen arabera, administrazio publikoak eskubide hori bermatu beharra dauka guztion diruaz baliatuz, “diskriminazioa” ekiditeko. Erreforma honen atzean, aldiz, ez da eskubideen defentsagatiko edota askatasunarekiko grina ezkutatzen. Honen oinarrian, ideologia politiko patriarkarra jendartean zabaltzeko eta ezartzeko nahia ostendu egiten da. Izan ere, patriarkatua indartzeko, hezkuntza segregatua sustatzea hautu ezin eraginkorragoa da.

Hezkuntza eredu segregatuaren oinarri ideologikoak

Azken urteotan geroz eta ozenago entzuten ari dira bereizketa ereduaren aldekoen ahotsak, hainbat eta hainbat argudio darabiltzatelarik sexu arteko segregazio hau justifikatu nahian. Ez dut argumentu horiek guztiak jorratzen luzatu nahi, Marina Subirats soziologoak bere idatzietan ezin hobeki lantzen eta baliogabetzen baititu (“Coeducación o escuela segregada?Un viejo y persistente debate” 2010.urteko artikuluan, esaterako).

Bereizketa eredu honen oinarrian dagoen ideia nagusiaren aipamena egingo dut, ordea: “gizonak eta emakumeak ezberdinak gara biologikoki, hortaz, ezberdintasun horiek kontuan hartu eta aparte heztea da egokiena”.

Ez dut gizonen eta emakumeen artean ezberdintasun biologikoak ez daudenik esango, ez dut zertan egin. Azken urteotan, izan ere, sexu arteko ezberdintasun biologikoen ikerkuntza kopurua eta kalitatea nabarmen hazi egin da. Ikerketa hauek, gainera, emakumeontzako onuragarriak ari dira izaten batez ere, zientzia guztiek historikoki izan duten androzentrismo kutsua apurtuz doalako gutxinaka. Era honetan emakumeon ezaugarri eta behar espezifikoak geroz eta hobeto ezagutzen dira, medikuntzaren kasuan esaterako.

Dena den, arriskutsu deritzot ezberdintasun biologikoen ikerketatik atera daitezkeen ondorio deformatuei. Historian zehar, botere patriarkarra ezaugarri biologikoez baliatu izan da diskriminazio soziala justifikatzeko. XIX. mendean, esaterako, hainbat ikerkuntzek gizonen burmuina emakumeona baina %9 handiagoa zela frogatu zuten eta hortik emakumeok ahalmen intelektual urriagoa dugula ondorioztatu egin zuten. Gaur egun, baina, soberan demostratua dago oker zirela.

Egun, patriarkatuak tankera horretako argumentuak darabiltza hezkuntza eredu segregatua bultzatzeko, genero ezberdintasunak determinatzeko: mutilak neskak baino indartsuagoak dira, logikoagoak, bortitzagoak, sexualagoak, neskei begiratuz arreta galtzen dute…

Ezberdintasun biologikoek, aldiz, ez dute pertsonon bizitza soziala aldez aurretik determinatzen. Hau da, sexuak ez du generoa determinatzen. Badirudi sexu bereizketaren aldekoek bi kontzeptu hauek nahasten dituztela, genero ezberdintasunak naturalizatzen dituztelarik.

Pentsamendu horretan zimendurik, sexu segregazioa oinarri duten ikastetxeek pertsonen generoa determinatu eta azpimarratu egiten dute sexu biologikoaren arabera. Modelo honen bidez, haurren genero identitateak “neska” eta “mutil” kategorietan sailkatu eta bi horien arteko ezberdintasunak nabarmendu egiten dira, patriarkatua eusten duen oinarria mantenduz era honetan. Hezkuntzaren funtzioa, aldiz, ez da genero ezberdintasunen ezarpena, ikasleak beren aniztasunean errespetatzea eta heztea baizik.

ZERGAITIK EZ DIEGU NESKEI AUSARTAK IZATEN ERAKUSTEN , PERFEKTUAK IZAN BAINO?


Noiztik dator arazo hau?. Erantzuna, heziketan topa ditzakegu. Aurretik markatutako heziketak, patroi berdina jarraitu du betidanik. Alde batetik, mutilei ausartak eta erronka desberdinak betetzea erakutsiz, eta neskei aldiz, perfektuak eta egiten duten oro, kontu handiz egitea. 

MUTIL AUSARTAK, NESKA PERFEKTUAK... . 

Hona hemen artikulua:

http://www.rinconpsicologia.com/2016/07/y-si-ensenamos-las-ninas-ser-valientes.html

Gabon!

Irudi honekin zer bururatzen zaizue?

Gure gizartean denbora gutxian gauzak asko aldatu dira. Gaur egun gurasoen jarrera asko aldatu da. Garai batean irakaslearekin edo emaitzekin edozein arazo bazegoen, ikasleak izaten ohi zuen errua. Gaur egun aldiz, guztiaren errua irakasleak du. 

Guzti honek, irakaslearengan egoneza sortzen du. Hauek dira irakasleengan eragina dute hamar faktorek:

1. Irakasleak irudi soziala galtzea.
2. Lan eta erantzunkizun gehiegi.
3. Irakaskuntzaren errealitatearekin talka egitea.
4. Lan baldintzak eta baliabiderik eza.
5. Bortizkeria eskoletan.
6. Soldata desegokiak,aitorpenik eta diru pizgarririk eza.
7. Irakasle/ikasle ratio handiegia
8. Eskolan IKTak ezartzea.
9. Zenbait irakaslerengan lan egonkortasunik eza.
10. Nork bere buruan konfiantzarik eza.

Arratsalde on!

Gehienetan ikusi dugu eskoletan zein geletan umeek animalia bat izaten dutela. Kasu batzuetan, benetazko animaliak izaten dituzte, beste batzuetan aldiz, fikzioizkoak izan ohi dira. Umeek ikusi bezain laister izen bat ipintzen diote eta zaintzan laguntzen dute.

Batzuetan, guraso batzuk kezkatuta azaltzen dira maskota bat gelan dagoenean, agian umeari zerbait egin edota gaixotasun bat transmititu dizkiolako. Baina ohartzen bagara, abantail gehiago ditu animalia bat izatea.

Garapen psikologikoari dagokionez, umeek animalia bat izanda, zerbaitenganako erantzunkizuna garatzen dute eta haien arteko erlazio eta harremanetan laguntzen du. Adibidez, autistak diren umeak, oso harreman onak izaten dituzte animaliekin eta haientzat oso lagungarria da haien alboan animalia bat izatea. Nolabait ere, animalia bat duzunean erantzunkizun bat dago eta haurrek zaintzan laguntzen dutenez eginbeharren erantzunkizuna ikasten dute. Gainera, animalia batekin maitasuna eta errespetua lantzen ikas dezakete.

Honetaz gain, animaliek umeen autoestiman eragin handia dute. Umeek, zerbaiten erantzunkizun sentitzeak nagusitasun bat sortzen dio eta gai ikusten dira gauza gehiago egiteko laguntza eskatu gabe. Alegia, komunikazioaren garapenean eragin handia duela, eta oso lagungarria da umeentzat.

Amaitzeko, animaliekin haurrei bizitzari buruzko ikasgai asko erakutsi diezaiekegu: jaiotza, heriotza, gaixotasunak... Kasu hauek, haien bizitza pertsonalera eraman dituzte. Horrela, familian gertatutako antzeko egoerak hobeto eramaten ikasten dute eta haien sentimenduak adierazten eta laguntza eskatzen ikasten dute.

IRAKASTEKO HAMAR KONPETENTZIAK

Kaixo ! Gaur ikusiko ditugu zeintzuk diren irakasteko behar ditugun konpetentziak !

1. Ikasteko egoerak antolatzea eta dinamizatzea.
2. Ikaskuntzen aurrerapena kudeatzea.
3. Erantzun bereizgarriak lantzea eta garatzea.
4. Ikasleak bere ikaskuntzan eta bere lanean inplikatzea.
5. Taldeka lan egitea.
6. Eskolako kudeaketan parte hartzea.
7. Gurasoei informazioa ematea eta euren inplikazioa bilatzea.
8. Teknologia berriak erabiltzea.
9. Lanbidearen zereginei eta gatazka etikoei aurre egitea.
10. Nork bere etengabeko prestakuntza antolatzea.

1594/2011 ERREGE DEKRETUA

1594/2011 ERREGE DEKRETUA, azaroaren 4koa, irakasleriaren espezialitateak ezartzen dituen, 2/2006 Hezkuntzaren LEGE ORGANIKOA, maiatzaren 3koa (LOE) kontuan hartuz:

• Irakasleriaren espezialitateak:

• Haur Hezkuntza
• Lehen Hezkuntza
• Atzerriko Hizkuntza: Ingelesa
• Atzerriko Hizkuntza: Alemania
• Heziketa Fisikoa
• Musika
• Pedagogia Terapeutikoa
• Entzumena eta hizkuntza

• Haur Hezkuntzan lan egiteko nolako onartzen diren titulazioak:

• Haur Hezkuntzako zikloa (1. zikloan )
• Haur Hezkuntzako gradua
• Haur Hezkuntzako irakasle espezialitatea
• Haur Hezkuntzako oinarrizko heziketa orokorraren diplomatura
• Pedagogia ikasketak.

• Haur Hezkuntzako irakasleek irakatsi beharreko materiak:

• Curriculumean agertzen diren arlo guztiak

• Atzerriko hizkuntza:

            B2 titulazioa izatea eskatzen da

HAUR HEZKUNTZAKO PROFIL PROFESIONALA

Hona hemen, haur hezkuntzako profil profesionala ulertzeko baliagarria den eskema:

GEROA eskola (Waldorf)

Geroa eskola Trokonizen dago, Iruraitz-Gauna udalerrian, Gasteizetik hamar kilometrotara. Arabako hiriburutik oso gertu dago, beraz, oraindik ere jende gutxik ezagutzen duen arren, Waldorf  Stenier pedagogia erabiltzen duen eskola, EAEn aipatutako pedagogia erabiltzen duen bakarra da. Duela hamar urte ireki zituen ateak eta ikasle eskaera handituz joan denez, eskola berritzea eta hedatzea erabaki dute.

Waldorf Steneirren pedagogia, gizakiaren ikuspegi osotu bat abiaturik, non gorputzam adimena eta arima barneratzen diren, haurrari bere ikasketa prozesuaren jabe izatea bultzatzen du, sormena eta ekimena landuz.

Pedagogia honen ezaugarri aipagarrienak, honako hauek dira:

- Haurrak askatasunean heztea. Horrekin batera, gizaki errepetutsuak izateko gaitasunak ikasten dituzte.

- Haurraren erritmoa errespetatu behar da.

- Haurra ekintza eta une guztien erdigunea da.

- Ez zaie soilik ikasgai konkretuei garrantzia ematen, baizik eta irakaskuntzarako arlo anitzetan garatzen diren trebezien ekintza bateratuari.

- Ikasketen programazioa, haurraren garapenaren arabera egiten da.

- Ez da kalifikaziorik ematen. Haurrak ez dira azterketekin eta errendimendu eskakizunekin presionatzen. Horren ordez, indibidualtasunean oinarritutako garapen kooperatiboa bultzaten dute.

- Naturarekiko harremanak. Urtaroen erritmoa eta ezaugarriak gertutik bizi egiten dituzte. gizakiak naturarekin eta ingurunearekin duen harremanaren kontzientzia hartu behar du.

Hona hemen, Waldorf pedagogia lantzen duen ikastola bateko bideo bat!

Espero dugu zuen gustokoa izatea!

Gabon! Gaur haurrentzako ipuin batekin agurtzen gara.

Ilargi eta Eguzki haserretu zirenean

Lehen Aitonaren egunetan, Ilargi era Eguzki lurrean bizi ziren, sioux herri handia bizi den zabaldegi handietan.

Lurrean bizi diren beste asko bezala, halako batean hizketan hasi eta haserretu egin ziren.

Ilargik honela esan zuen:

—Nik batu egiten dut herria, zuk sakabanatu egiten duzu. Zu azaltzen zarenean, batzuk ehizara joaten dira, beste batzuk arrantzara... herria ez dago batuta.

—Baina horrela herria handiagoa egiten da, lehen egona ez den lekuetara iristen da, horregatik sakabanatzen ditut —erantzun zion Eguzkik.

Baina Ilargi ez zegoen ados.

—Zu ere urrundu egiten zara, ilunpean uzten dituzu. Eta ilunpean ezin dute ehizatu eta arrantzatu.

Orduan, Eguzkik herriari egin zion hitz:

«Goi horretatik argitu eta berotuko zaituztet. Lanean lagunduko dizuet».

Eta Ilargik berriz:

«Ni ere goian biziko naiz, ilunpean argi emateko. Batu egingo zaituztet ilunabarrean. Lasai egingo duzue lo. Bidean ibiliko gara bata bestearen atzetik. Nik gidatuko zaituztet».

Eta handik aurrera Ilargik eta Eguzkik ez zuten haserrerik eduki.